Eg har null tru på atomkrig. Om Kreml hadde ønska å angripe Nato hadde det vore mange påskot for det som er betre enn påskota dei hadde for å angripe Ukraina. Dei kunne t.d. sendt 2-3 kryssermissil mot Rzeszow-flyplassen - og poff, NATO hadde vore involvert.

Kreml har trekt styrkar vekk frå NATO-grensa, og inn i Ukraina. Dei vil ikkje ha konflikt utanfor Ukraina - fordi dei veit det er ei tapt sak. Difor vil dei heller ikkje bruke atomvåpen: USA har hinta ganske kraftig om at det vil føre til amerikansk involvering i Ukraina - og kommentatorer har spekulert i om det kunne føre til at t.d. den russiske svartehavsflåten vart senka, til at USA ville gå militært inn i Ukraina og lempe Russland på dør.

Atomvåpen er avskrekking. Einaste grunnen til at andre land ikkje støttar Ukraina i større grad enn dei gjer er trugsmålet om atomvåpen. Den dagen Russland bruker atomvåpen mister den tenna sine. Då har ikkje andre land noko å tape lenger - og det er heller ikkje eit alternativ å gje etter for atomvåpen, for då er neste krav frå Kreml plusteleg landkorridor til Kaliningrad - eller tilsvarande.