For det første er det sosiale stigmaet rundt det å ha fleire partnere gjennom livet så godt som borte for den suverene majoriteten. Det er vanleg å ha fleire forhold med større eller mindre grad av forpliktelsar, og det er sosialt akseptabelt å bryte ut av eit forhold.

For det andre - kvifor trur du det skjer 'fleire og fleire'? Eit tilfelle er knapt representativt. At folk vel å forlove seg er vel delvis motesak. Det har ingen juridisk status; samlivsformene er grovt sagt sambuar, gift og singel. Viare er det færre som gifter seg no enn før, noko som antakeleg har samanheng med at det er sosialt akseptabelt å ikkje gifte seg. Det vil nok påverke skilsmissestatistikken ein del.

Når det gjeld sambuarar finst det ingen register. Det er ingen som sjekker om to personer som flytter saman faktisk har seksuelt samkvem, eller om dei berre deler leilighet av økonomiske årsaker. Det finst difor heller ingen statistikk over kor mange sambuarskap som ryk.

Så kva baserer du antakelsane dine på, og kva er poenget ditt her?

Eit anna alternativ er jo at du tilfeldigvis er i eit alderssjikt der folk endrer seg mykje, t.d. overgangen frå vgs til studier, eller frå studier til jobb. Då er det fort gjort at forhold som er bygd på tidlegare fellesskap ryk.